Ýanyñda galmagy isledim, emma,

Ýadyñda galmaga boýun etdi durmuş.

Göýäki bagt baryn eçilip hemmä

Biziñ söýgümize oýun etdi durmuş.

Gijeler ýyldyzlar süýnen çagynda

edilen arzuwlar sowruldy yele.

Umytlardan gurlan ynam dagynda

“Sansyz” sebäplerden gopdy zenzele.

Sebäbi sen baş galdyryp bilmediñ

Ejeñ diýen çagy “geldiler guda"

Belki bu ykbalyñ oýny bolandyr

Belki señ islegiñ bolandyr buda

Aý bolýala saña näme diýeýin

Peýdasy ýok wagty iki arada

Ýöne haýyş, käte meni ýatlap dur

Gürrüñ gitse çyn söýgüler barada

Alnyñ ýaly açyk bolsun ýoluñam

Bagtyñ bolsun soñlanmajak bir ömür

Sen ýakma ýüregñi, ýanmaly bolsa

men seniñ oduña bolaýyn kömür.

Ýanyñda galmagy isledim, emma,

Ýadyñda galmaga boýun etdi durmuş.

Gutlag söz, ýylgyryş eçilip hemmä

Bu gun söýgülimiñ toýun etdi durmuş