...Ýapraklar ýene terk edýär,
Güýzde şahasyn baglaryň.
Gaçypdyr olaň görki-de,
Ötüpdir ýaşyl çaglary...
🍁🍁🍁
Otyrlar kibtin gysyşyp,
Bu çyplaň baglar üşeşip.
Indi şadyýan guşlaram,
Girerler diňe düýşlerine.
🍂🍂🍂
Tänip, bir-birden hoşlaşyp,
Gaýyp gitse-de ýapraklar.
Barybir bilmez daşlaşyp,
Gelip ýatarlar toprakda...
🍁🍁🍁
Hany, ol ýazlaryň ýagşy,
Bir mahalky şatlyk-şowhun?
Goý, olary gara gyşyň,
Gazabyndan Hudaý sowsun!
🍂🍂🍂
Başlaryna düşer ak gar,
Ýyllar, öz hökmün ýöredýär.
Neçün bu ýalaňaç baglar,
Bizde munça gam döredýär..?

Annamuhammet Kirşen