"Yşk bormy ataşda ýanmasa " diýdiň,
Ot bile suwadym ýüregmi,läläm.
"Yşk bormy aýazda doňmasa " diýdiň,
Sözüňe doladym ýüregmi,läläm.

"Yşk bormy guş bolup uçmasa " diýdiň,
Hyýallaryň ganatyndan asyldym.
"Yşk bormy topragy guçmasa " diýdiň,
Dyz epip patasyn aldym asyrlaň.

"Yşk bormy takady bolmasa" diýdiň,
Sekuntlara,minutlara daňyldym.
"Yşk bormy bagt näme,bilmese" diýdiň,
Balyk bolup derýalara zyňyldym...

Ine indem alkymyňa barýaryn,
Ýüregimiň ýamalary näler kän.
Şundan soňam ýene yşk bormy diýseň,
Näderkäm?!

Aşyr Hanow