Melekleriñ ganatyndan ýelek sen

Ýok, yşkym eline berlen melek sen

Maña özümdenem beter belet sen

Gülüm gözleriñde gülüp galaryn

Ömrüme berilmiş serpaý saýdygym

Söýgüdimi gursagyma çaýdygyñ

Kim aýdypdyr diñe gijä Aýdygyñ

Günüm, gündüze de alyp galaryn

Dadyp dünýäñ kä şarpygyn kä çäjin

Saña laýyk gördüm yşkyñ şa täjin

Ynan dünýäm iki ömür señ mätäjiñ

Ýüregiñde mukam bolup galaryn