Biri öwüt berdi agras bol diýip

Agras boldum bilmän agraslyk çägin

Biri diýdi beýdip dommarlyp ýörme

Gülip oýnap gezjek ýetginjek çagyñ

Gezdim däli derýa bolup ogsunyp

Bu bolşumam halamady käbiri

Gulagyma çawuş çakdy ogrynça

IL gün näme diýer bolşuñ nähili

Biri diýdi öz hakyña kaýyl bol

Birem diýdi aç ölersiñ beỳtsen

Biri diỳdi puluñ guly bolmagyn

Birem diýdi puluñ bilen beýik sen

Garaz birzat diýse özümden özge

Sözlerine ynanyp gamak deý gaýdym

Adamlygyna sarpa goýup kämahal

Çem gelen kişini yaşulym saýdym

Bügün ýürek diýýär bu bolşuñ gülkünç

Öz ykbalyñ özüñ çola ahyryn

Men bu dünýä gudrat bolup inmedim

Menem çyg süýt emen adam ahyryn