Salam,agzalar!
Men bu gün sizlere manyly eserlerden bölekleri beýan edeýin.
Üç elek
Bir adam Sokrata şeýle diýipdir:
—Bilýäňmi,dostuň maňa sen hakda nämeler diýdi?
—Dur,aýtjak bolýan zadyňy ilki üç elekden geçir-diýip,Sokrat ony saklapdyr.
—Nämedir bir zady aýtmankaň,ony üç elekden geçirip görmek gerekdir.Ilki bilen hakykat eleginden geçir.Munuň hakykatdygyna ynamyň barmy?
—Ýok,ýöne eşiden zadym...
—Diýmek,sen munuň çyndygyny-ýalandygyny bileňok.Onda ikinji elekden-ýagşylyk eleginden geçireli.Sen men hakynda ýagşy zat aýtmakçy bolýaňmy?
—Ýok,tersine...
Sokrat sözüni dowam edipdir:
—Diýmek,sen hakykatlygyna ynamyň bolmasa-da men hakda erbet zat aýtmakçy bolýarsyň.Üçünji elegi—peýdalylyk elegini göreli.Aýtjak bolýan zadyňy eşitmegim hökmanmy,maňa peýdasy degjekmi?
—Ýok,onuň saňa zerurlygy ýok.
Sokrat sözüni jemläp,şeýle diýipdir:
—Şeýlelikde,seniň aýtjak zadyňda ne hakykat,ne ýagşylyk,ne-de peýda bar.Onda ony aýtmak nämä gerek?
Tohumlyk däne
Bir daýhanyň ýetişdirýän galla hasyly hemişe beýlekileriňkä garanyňda has bereketli bolýan eken.Bu ugurda yglan edilen bäsleşiklerde-de ol elmydama baýrakly orunlara mynasyp bolar eken.Geçirilýän sergilerde ol beýleki kärdeşlerine iň gowy tohumlyk däneleri paýlar eken.
Ondan munuň sebäbini soranlarynda,ol şeýle jogap beripdir:
—Beýle etmek diňe bir beýleki daýhanlara peýdaly bolman,eýsem,maňa-da bähbitli bolýar.Şemal arkaly ösümlikler biri-birini tozanlandyryp durýar.Eger töweregindäkileriň hasyly pes derejede bolsa,garşylyklaýyn tozanlandyrma meniň mellegimde hem hasylyň pesligine getirýär.
Utanç
It öň aýaklaryna daýanyp,haý-
bat atyp üýrýärdi.Onuň gabat garşysynda bolsa haýadyň düýbüne dykylyp,tüýlerini hüžžerdip duran pişik çagajygy bardy.Ol agzyny giňden açyp, naýynjar mawlaýardy.Hol beýlärekde duran iki sany oglan indiki boljak tomaşa garaşýardy.
Şol barmana-da bir aýal penjireden garap,soňam howlukmaçlyk bilen bosaga çykdy.Ol gele-gelmäne, iti kowdy-da, oglanlara azmly gygyrdy:
—Utanaňzokmy?!
—Näme üçin utanmalymyşyk?
Biz hiç zat edemzok ahyry!
—Wah,şol hiç zat etmedigiňiz üçin utanmaly!—diýip,ol aýal gaharly jogap berdi.
