Tapawut (Türk tymsaly)

Bir himiýa mugallymy, professor özüniň ýiti zehinine we ukyp-başarnygyna görä, Nobel baýragy bilen sylaglanýar.Günleriň bir güni ol sapak okatmaga baranynda, bir talyby ondan:

-Hormatly professor, Amerikanyň Birleşen Ştatlarynda üç müňden gowrak ylym adamy barka, Nobel baýragyny näme üçin size mynasyp gördüler? Sizi

beýlekilerden tapawutlandyrýan aýratynlyk nämede? - diýip sorapdyr.

Soragy diňlän professor bu üýtgeşik sowala:

- Hawa, dogrusyny aýtmaly bolsa, şu zatlar üçin men ejeme hoşal bolmaly. Sebäbi ejem men okuwçykam, başgalaryň ejeleriniň soraýan zatlaryny menden üýtgeşik edip sorardy - diýýär. – Başgalaryň ejesi:

«Oglum, gyzym, aýt hany, mugallymyň beren soraglaryna gowy jogap berip bildiňizmi?» diýip soraýan bolsa, meniň ejem: «Sen bu gün mugallymyňa nähili

sorag berdiň?» diýip sorardy. Ine, meniň beýlekilerden tapawutly tarapym. Şondan soň men hemişe-de soramagy we bilmedik zatlarymy sorap öwrenmegi endik edindim. Häzir hem özümi gyzyklandyrýan islendik meseläni sorap öwrenýärin we ýene-de dowam ederin diýip jogap beripdir.

Türkmen agada aýtýara: soran alym, soramadyk özüne zalym