Dünýäni dolandyrýanlaryň taryhy: Pul (#1)

Bir wagtlar ýer ýüzünde tire–taýpalar, jemagatlar, milletler bolupdyr. Adamlar bilelikde ýaşaýardylar we işleýärdi, bilelikde öz jemgyýetleri üçin zerur bolan ähli zady öndürýärdi. Şol döwürlerde pul diýen zat ýokdy. Adamlar öz zerurlyklaryny kanagatlandyrmak üçin tebigatdan gerek zatlaryny göni alýardylar. Olar awa awlardylar, gerek zatlarny tebigatdan ýygnapdyrlar, ekipdirler we öz zerurlyklaryna görä orupdyrlar. Bu jemagatlaryň arasynda gatnaşyklar paýlamak we alyş-çalyş etmek arkaly amala aşyrylýardy.

Dünýäni dolandyrýanlar bu ýagdaýy synlap, mümkinçilik gördüler. Olar "pul" diýen zady oýlap tapdylar. Pul ilki bu adamlaryň elinde gural bolup göründi. Ilkibada, köp adamlar puly tygşytly ulanmagyň gowy taraplaryna göz ýetirýärdiler. Emma wagtyň geçmegi bilen pul dünýäniň ähli syrlaryna we güýjüne gözegçilik edýän gurala öwrüldi.

Bu dünýäniň dolandyryjylary tehnologiýany öz hyzmatyna goýup, adamlary has köp gözegçilik astyna alyp başladylar. Ilkibada, elektrik energiýasy tebigatyň bir bölegi hökmünde atmosferadan mugt alyp bolýan elektrik çeşmesi bolupdyr. Emma bu dünýäniň dolandyryjylary elektrik energiýasyna gözegçilik edip, ony girdeji çeşmesine öwürmegi başardylar. Munuň üçin olar elektrik energiýasyny paýlamak üçin kabelli sistemasyny oýlap tapdylar we birden elektrik ulgamy hem tölegli boldy.

Dünýäni dolandyryjylar özlerini "Yşyk saçýanlar" diýip atlandyrdylar. Ilkibaşda olar Nikola Teslanyň atmosferadan mugt elektrik energiýasyny almak baradaky işlerini bilen gyzyklandy. Emma bu pikir Yşyk saçýanlaryň maksatlaryna ters gelýärdi. Netijede, Teslanyň işine gizlin päsgel berip, oňa gözegçilik etdiler. Elektrik energiýasyny kabeller arkaly paýlap başladylar, şeýdip olar üçin täze girdeji çeşmesine öwrüldi. Bu işde olara Tomas Edisonyň kömegi has uly boldy.

Şol bir wagtyň özünde lukmançylyk ulgamynda hem düýpli özgerişler bolup geçdi. Näsaglary derňäp, tebigatdan alnan ösümlikler bilen derman ýasan lukmanlar uly farmasewtika kärhanalaryna degişli lukmanlar bilen çalşyryldy. Bu firmalary eýelemek bilen Yşyk saçýanlar adamlaryň saglygynyň üstünden gözegçiligi ýola goýmagy başardylar.

Emma bu ýagdaýlar aýzbergiň diňe ujy bolup durýar. Yşyk saçýanlar adamlaryň aňyna erk etmegi planlaşdyrýarlar. Olar köpçülikleýin habar beriş serişdeleri, bilim we maglumat tehnologiýalary arkaly jemgyýetleriň garaýşyny we pikirlerini şekillendirdiler. Muňa dildüwşük teoriýasynda «Beýni ýuwmak» diýilýär.

Şonuň üçin şu günler dünýä agalyk etmek sanlyja adamyň elinde jemlenýär. Hemme zadyň bahasy bar, şol bahany kesgitlänler Yşyk saçýanlardyr. Olaryň gizlin ulgamlary we meýilnamalary bütin dünýä ýaýraýar we biziň durmuşymyzy adamlaryň köpüsiniň bilmeýän ýoly bilen manipulirleýär. Dildüwşük teoriýasy bu hakykaty ýüze çykarmaga çalyşýar, emma olaryň sesi köplenç köpçülikleýin habar beriş serişdeleriniň sesi bilen ýitýär.

Dowamy bar...

©Khanture