Aşyklar duşmasa biri-birine,

Bir deňze guýmasa ol goşa derýa,

Ähli umyt siňer ýeriň şoruna,

Ähli geljek göni geçmişe barýa.

Men seni soraglap gezýän dünýäni,

Seni tapjak bolýan şamu-säherden.

Bu gün bu şäherden otla münýärin

Taparyn diýp başga oňat şäherden.

Sorag belgisi deý, garaňky gökde,

Egri aý soragly bakýar gözlerme,

Ýyldyzlar uzakda, şeýle uzakda,

Uzaklygy çalym edýär gözlerňe.

Ýürekler almasa söýgüden paýy,

Dogmajak ýalydyr güni hem aýy.

G.Ezizow