Gel, ezizim, ýürek sessiz aglaýar

Saňa köp garaşdym, geçdi aý-ýyllar,

Aramyza düşdi öwrümli ýollar,

Ýalňyz ýada düşýär bagtly günler,

Gel, ezizim, ýürek sessiz aglaýar!

Kirpiklerim bilen ýoluň gyrçaýyn,

Duşmanlarňy söýgim bilen kerçäýin,

Seniň bilen bagtly bolar geljegim,

Gel, ezizim, ýürek sessiz aglaýar!

Maňa seniň gözleriňden doýma ýok,

Söýgiň meni öz erkime goýanok,

Neneň meniň ýürek sesim duýaňok,

Gel, ezizim, ýürek sessiz aglaýar!

Gijeler Aý maňa ýylgyryp baksa,

Yşkyň halkasyny boýnuma daksa,

Asmanda gök gürläp, ýyldyrym çaksa,

Gel, ezizim, ýürek sessiz aglaýar!

Söýgiň şirin aýdymyny aýdaryn,

Ykbalymy söýgim bilen iderin,

Sen gelmeseň, gözüm açyp giderin,

Gel, ezizim, ýürek ýanyp aglaýar!

Alla bizi ýalkaw içinde etsin,

Aşyklar maksadu-myrada ýetsin,

Arzuw baglarymyz bagt bolup bitsin,

Gel, ezizim, nika suwum aglaýar!

.Güljemal Garaÿewa