Maña sensiz kyn ezizim bilýäñmi?

Duýýañmy dönenmi ganatsyz guşa?

Barha undup çynym bilen gülmäni,

Ýazym ornun berdi aýazly gyşa.

Parhy ýitdi geçýän sagadyñ, ömrüñ

Şonsuzam kalbymyñ ýetigä derdi..

Ýañy söýüläýjek, söýäýjek döwrüm,

Ykbal aýralygyñ gussasyn berdi.

Ýalançynyñ agyr ýükün ýüklenip,

Öwrendimem aglandan soñ diñmäni.

Şum ykbala garşy durdym diklenip,

Ýöne sensiz kyn ezizim bilýäñmi?!

Ýoklugyñda ýaşap ýörün elbetde

Ýylgyrýaryn, gussa batma deregem.

Ýöne, mahal-mahal gursagma sygman,

Seni sorap azar berýär ýüregim.

Ejizläýýän eken söýgüsiz ynsan

Galamym eýerdi nalyş perýadym.

Saklamadyk bolsak yşgymyz pynhan,

Wah, näler goşardym şygryma adyñ.

Üns bermäli ýalançynyñ oýnuna

İkimizem ýüregmizi diñläli,

Girip bilmen senden özgäñ goýnuna

Maña sensiz kyn ezizim bilýäñmi?!

Gülnäz Nurekowa