SAŇA

Dogrusy, men saňa näme diýeýin,

Neçüýn geldiň beýdip ynjytjak bolsaň?!

Kalbymdaky näzik duýgymy talap,

Neçüýn geldiň beýdip ynjytjak bolsaň?!

Az gördüňmi öňem ejizlän göwni,

Ençe ýyl gursakda düwülen düwni,

Ýadygärlik goýup, maňa bu güni,

Neçüýn geldiň beýdip ynjytjak bolsaň?!

Söýgiňi ýüregme ömrüme ýazdym,

Seni ömürboýy arzuwlap gezdim,

Meniň päk duýgyma neneňsi dözdüň,

Neçüýn geldiň beýdip ynjytjak bolsaň?!

Baharyň şemaly tersine öwsüp,

Gözýaşlar gussalaň böwedin böwsüp,

Aglaryn men kime derdimi egsip,

Neçüýn geldiň beýdip ynjytjak bolsaň?!

Bahargül Mejidowa