MAŇA ÝÜREKDEŞ BOLSAŇ...

Seret, ýagyş ýagýar duýup gussany,

Megerem, bu ýagyş daňa çen ýagar.

Ýatladýar ol bir süýjümtik ahwaly,

Sen bolsa meň ykbalymdan bihabar.

Damjalar pyşyrdap zemine düşýär,

Bu ýagmyr seň söýgi serpaýyňmy ýa?

Her damjadan nirdedigňi soradym,

Emma bu soragma älemem dymýa.

Soňra bulutlaryň topar habary,

Ýagyşy diňdirip, gözden ýitdiler.

Birdenem kesildi dünýäň owazy,

Özümden özgeler uka gitdiler.

Şeýdip, bu gije hem men ýalňyz galdym,

Sen bolsa meň bu halymdan bihabar.

Eger-de sen maňa ýürekdeş bolsaň,

Bagt güller bolup üstüme ýagar.

Bahargül Mejidowa