World University Rankings 2024 sanawy

The Times Higher Education World University Rankings 2024 sanawy neşir edildi. Nobatdaky sanawa dünýäniň 108 döwletinden 1904 ýokary okuw mekdebi girmegi başardy. Ýewropa we Demirgazyk Amerikanyň uniwersitetleri QS World Rankings 2024-de birinji orny eýeläp, MIT 12 ýyl bäri birinji ornuny saklamagy başardy.

Sanaw dünýäniň dürli künjeklerinden 240 müňden gowrak mugallym we iş berijiniň 17,5 million ylmy işiniň we bilermenleriň pikirleriniň seljermesine esaslanýar. Dünýäniň iň gowy 200-ne ýokary okuw mekdebi girýän ýurtlaryň sanawy:

Amerikanyň Birleşen Ştatlary – bu ýurtdan jemi 56 uniwersitet bu sanawa girip, ýurduň Kaliforniýa ştatynda ýerleşýän Stanford uniwersiteti sanawda ikinji orny eýeleýär. Dünýäniň iň gowy iki ýüzlüginiň dörtden biriniň ABŞ degişlidigini aýratyn bellemeklik zerurdyr.

Beýik Britaniýa – sanawda ilkinji orny Beýik Britaniýanyň Oxford uniwersiteti alýar. Bu ýurtdan jemi 25 uniwersitet ilkinji 200-lige girendir.

Germaniýadan –  jemi 21 ýokary okuw mekdebi ilkinji 200-lige girmegi başardy. Sanawda 30-nji orny Technical University of Munich eýeleýär.

Hytaý – bu ýurtdan jemi 13 ýokary okuw mekdebi girýär we ýurduň Tsinghua University 12-nji orny eýelýär.

Awstraliýa – University of Melbourne ýokary okuw jaýy dünýäniň iň gowy 37-nji uniwersiteti bolup, ýurtdan ilkinji 200-lige jemi 11 uniwersitet giripdir.

Niderlandiýadan – jemi 11 uniwersitet ilkinji 200-lige girmegi başardy.

World University Rankings 2024-iň ilkinji onlugunyň sanawy:

University of Oxford;

Stanford University;

Massachusetts Institute of Technology;

Harvard University;

University of Cambridge;

Princeton University;

California Institute of Technology;

Imperial College London;

University of California, Berkeley;

Yale University.