Ýar erär
Asman penjiresin ýapyp saklasa,
Ýarym ýel-ýagmyra ezilmez ýaly.
Gün şöhlesi bolup gökden jyklasam,
Ýarymyň öýkesi ýazylar ýaly.

Älemgoşar bolsam owadan dünýä,
Öwüşgini kalba çaýylar ýaly.
Söýgimiň ataşy tutaşsa dünýä,
Ýarym gujagymda çoýunar ýaly.

Al-elwan gül bolup açylsam dünýä,
Oň müşküne ýarym meýmirär ýaly.
Kalbyma bark urup, seçilse dünýä,
Anbaryň ysyna ýar erär ýaly.

Gijeler Aý bolup, nur saçsam dünýä,
Girse gujagyma ýarym nur bolup.
Bu dünýäde ýokdur başga armanym,
Gujagymda ýarym erär gar bolup.

Güljemal Garaÿewa.