Ikiçäk gürrüñ

Ilkinji söýgüden gaýdanda badym, Indi maňa söýmek ýokdur diýýärsiň. Men saňa düşünýän: sen şeýle adam Bir ömürde ýeke gezek söýýärsiň.

Men bolsa bu söze henizem garşy (şüphe bolmaz ýüregimiň päkdigne). Ynansamam başky söýgiň bardygyna, Ynanamok başga söýgiň ýokdygyna.

Ynha dymyp dursyň meniň garşymda Egniň ketenili başyň öýmeli.
Hany aýt sen, bir gezeklik ömürde
Näme ūçin biz ýeke gezek söýmeli.

Öziñ dek bir gyzy söýüpdim menem,
Ol başgany söýdi ol indi ene.
Öñkidenem otly , çuñ söýgi bilen
Men ikinji gezek söýýärin ýene.

Düzgünmidir ýeke gezek söýmeklik
Gel onda biz şol düzgüni pozaly
Söýgi kitabyny iki söz bilen
- Başarsañyz söýiñ ! Diýip ýazaly.

Halyl Kulyýew