ÖZELENMEK
Maňa “dem alma” diý,
Ýok, “ýaşama” diý,
Men bularyň ählisine kaýylam.
Men bir-ä seň gara gözleň aşygy,
Birem dünýäň şygyrlarna maýylam.
Ýüregimi ikä böldüm, bir taýy
Şygyrlamda,
Ikinjisi gözleňde.
Ikisini birleşdirmesem eger,
Ýokdur maňa bu bolşumdan özgerme.
Ah, jansyz jemendä öwrüljegimi
Bilip durkaň “ýazmagyňy kes” diýme.
Haýyş, maňa “bes” diýme.
Goý, ýarasyn il derdine
Derdimden çykarsyn meni,
Sazlaşykly sözleň jemi.
Aýjahan ANNABAÝEWA.