Tik Tok

Türkmeniñ mukaddes saýýan namysyn,

On epläp üstünden ädäýdiñ "Tik Tok".

Unutdyryp gerçek ýigitleriñ jynsyn,

Arly gyzlarmyzy nädäýdiñ "Tik Tok".

Süýji dilli gyzlañ agzynda "kalýan",

Ownan ýigitleriñ üstünden gülýäñ.

Bizi nädip beýle täsire salýañ,

Adamy sygyr dek idäýdiñ "Tik Tok".

A how sizde kaka, dogan bir barmy,

Ýa olaram "gyzym öldi" diýip ýörmi?

Ýa gulagy kermi, gözleri körmi,

Şol soragdan halys ýadaýdym "Tik Tok".

Dostuñ oýnatgydyr, şeýtandyr ýaryñ,

Barha däliredip barýa humaryñ,

Peýdañam kän welin, goja ýer şaryñ,

Paýhasly geljegin gädäýdiñ "Tik Tok".

Kerim Hallyýew