Nämüçin sen hakda oýlanyp ýörün,

Duýgulam goýanok erkime meni.

Aslynda sen maňa ýöne bir tanyş,

Dymmalygyň bilen örteme meni.

Nämüçin sen hakda oýlanyp ýörün,

Göz öňüme getirýärin keşbiňi.

Hyýalymda seň mähriňi küýsedim,

Çünki sen bezeýäň köňül köşgümi.

Nämüçin sen hakda oýlanyp ýörün,

Göwnüme ýüregim saňa has ýakyn.

Käte seniň bilen görüşen wagtym

Senden aýra düşmek maňa has-da kyn.

Bahargül Mejidowa