Ýazgardymmy,

Ýazgardyňmy,

Ötgün munda ýazygymy.

Bagtyň gülün düşän ykbal.

Elden aldy ýazymyzy.

Ötünjümi, ökünjiňi,

Alyp gitdi ýyllaň saly,

Öz boýnuna orap aldy,

Bagtsyzlygyň mekir aly.

Deňimizden bir säginip,

Müňläp-müňläp hyýal ötdi.

Çarhypelek bir ýylgyryp,

Bir dumanlap, bizi itdi.

Yşk oýnunda näme utduk,

Ine, meňki diýer ýaly.

Maňa näme bagyş etdiň,

«Ine, seňki» diýer ýaly.

Sadalykmy, kadalykmy,

Ýa ykbalyň adatymy.

Ýalbar-ýakar aýralyga,

Üýtget yşkyň adatyny.

Gunça ORAZOWA,