Yigide şeyle gyz gerek,
Yüzi-gözi gülyän bolsun.
Ugrunda bolup janserek,
Çyny bilen söyyän bolsun.

Gayyn enä çep bolmasyn,
Yakyn-yada gep bolmasyn,
Gereginden köp bilmesin,
Akyl tapsa alyan bolsun.

Çykartman, gataltman sesin,
Gayyn atany diñlesin,
Ahyryyet - imanyny,
Mydam yada salyan bolsun.

Ökde bolsun tagam-duza,
Hem geyinsin tämiz-täze,
Baldyzlaryna, ähli gyza,
Kemsiz nusga bolyan bolsun.

Ulularyñ pendin tutsyn,
Gündiz işläp, gije yatsyn,
Atasy öyüne gitse-gitsin,
Yöne basym gelyän bolsun.

Kem bolmasyn akyl-huşy,
Ynjytmasyn garry-yaşy,
Soramazdan eden işi,
Ederini bilyän bolsun.

Bikär hamyr yugurmasyn,
Çörek gözläp yügürmesin,
Üstüne gün dogurmasyn,
Säher bilen turyan bolsun.

Hormata besläp özüni,
Ösdürip ogul-gyzyny,
Maşgalanyñ bagt sazyny,
Yary bilen çalyan bolsun.