Bagyşla meni!

Ýa Ýaradan Kadyr Gudratly Jepbar,
Bir ejiz gulyñ men bagyşla meni
Toba edip gözümden ýaşlarym akýar
Pygamberiñ hormatyna bagyşla meni.

Özim bilyän günämi agyrdyr günäm
Gün-günden daralýar bu ýagty dünýäm
Ahyr bir gün öljegimi özümem bilýän
Bu gözlerim ýumulmanka bagyşla meni.

Bäş wagtyna okaýan men, agzym bekleýän
Haram iýmän haramlykdan özüm saklayan
Alla şükür maşgalamy halal ekleýän
Bilmezlikde haram iýsem bagyşla meni.

Kabul eýle her gün edýän dileg dogamy
Bela-beter yamanlykdan, gora çagamy
Beýik Tañrym bilip durup eziz käbämi
Ýersiz ýere agladaýsam bagyşla meni.