Syçanlar we pişik.
Bir gün syçanlar ýygnanyşyp: «Pişiklerden goranmak» barada maslahat geçirenler. Şonda syçanlardan biri öňe çykyp:
— Mende şeýle bir pikir bar — diýen, we tapan maslahatlaryny aýdan:
— Biz bir jaňjagazlar tapyp, olary pişikleriň boýnuna daksak, şonda pişikler biziň öýümize ýakynlaşanda, jaňyň sesini eşideris-de, hinimizden çykman oturarys — diýipdir.
Syçanjygyň maslahatyny hemmeler makullanmyşlar.
Syçanlar dessine jaňyň gözlegine çykanmyşlar. Jaň tapylandan soň, ýene-de syçanlar maslahat geçirmek üçin ýygnanypdyrlar. Şol wagt akyllyja bir syçanjyk:
— Jaňlary tapdyk weli, indi muny haýsy birimiz pişikleriň boýnuna dakyp bilerkäk? diýipdir.
Syçanlaryň hiç birinden ses çykmandyr.
Her wagt bir işe başlanyňyzda, ilki onuň netijesi barada oýlanyň.

Sorag:
Edip bilmejek işiňi maksat edinmek näme gazandyrýar?
1.Ruhdan düşürýär
2.Güýçlendirýär, öwredýär
3.Ýüz ugruna beýleki maksatlaryň hasyl bolýar
4.Wagtyň boş gidýär