Men şeýle bir goşgy ýazasym gelýär

Çuň setirler aýtsyn ýürek gussany

Her sözi kalplaryň köküni gazsyn

Hatda sagaltsyn ol ýatan hassany.

Men şeýle bir goşgy ýazasym gelýär

Ýatlatsyn okaňda Mylly agaň sazyn.

Çökende gursaga gussaly günler

Ýeňletsin gaýgyny eçilsin ýazyn.

Men şeýle bir goşgy ýazasym gelýär

Ýer etsin herkesiň köňül köşgünde.

Okanlaň ählisin haýran eýleýip

Gezsin olar şygrystanyň yşgynda.

Men şeýle bir goşgy ýazasym gelýär

Wasp edip wepany synmaz söýgüni.

Galamda bir bina gurasym gelýär

Ýok edip köňülden gussa gaýgyny.

Awtory Jennet Meredowa