Ilki ýazan goşgym ýaly sada sen,

Eziz sen ilkinji sylagym ýaly.

Nurana sen bir bulutsyz gijede

Aý diyip ýüzüme sylanym ýaly.

Ejem ýaly aladaçyl, mähirli,

Doganym deý gursagyma ýakyn sen.

Daş ýollardan aryp gelsem,ýadasam,

Baryp ilki söýenjegim-gapym sen.

Ýazlar ýaly owadan sen,gözel sen,

Güýzler ýaly parasatly,akylly.

Gara gözleñ ýüregimiñ törüne

Bezeg berýän ýatlama deý ýakymly

Gün sen,gül sen,

Erem bagyñ Gunçasy,

Ýakyn maña özüm ýaly bu Ýerde.

Hem bilýäñmi...\"...Juda-juda eziz sen,

Söýülerden,söýdürerden,söýerden...\"

Aşyr Hanow