Bu nämekä ýürek ýarylyp barýa,

Her gezek demimi alýaryn sojap.

Gözýaşym ummana garylyp barýa,

Olar ýetişdikä nämahal ajap?!

Ýeňip bilmän içimdäki tupany,

Çykyp barýan penjireden daşary.

Haçan beýle daraldyka bu pany,

Bildirmeýär Günüň dogup-ýaşany.

Ýörmesem-de menzil aşyp, gyr aşyp,

Syrly bir ýadawlyk batýar janyma.

Ýaşaýaryn her minudy garaşyp.

Kimdir biri gelmeli deý ýanyma.

© Gurbanjemal ANNAKOWA