Nokatjyk goýup ýadadym,

Ýazasym gelýär adyñy.

Görýärmiñ nä güne salýar,

Gizlin söýmeklik adamy.

Erk etmek barmy ýürege,

Ýa sen özüñi söýdürseñ...

Sen hakda aýtjak ejeme,

Olam kakama duýdursyn.

Soñ bilip yşga berlenim,

Gaharlanyp gyzmasynlar.

Olar meniñ ýazgydymy,

Özleriçe çyzmasynlar.

Razy bolsalar häzirden,

Sen hakdaky saýlawyma.

Duşmaly bolmaryn geljek,

Çapraz ýollañ aýlawyna.

Sorap-idäp kimligiñi,

Bilmeklerne kömek etjek.

Häzir bolsa sen hakynda

Ejeme aýtmaga gitjek.

© Laçyn ÖWEZOWA