Adamlary agyr işe gul eden,

Adamlary haram işe başladan,

Ynsaby ýok edip nebissiz goýan —

Pul eken adamlar, kirli pul eken.

Jelepçilik işe itergi beren,

Wokzallarda küntileri döreden,

"Daça"-larda haram işi ýöreden —

Pul eken adamlar, haram pul eken.

Adamlara men-menligi öwreden,

Mesligi döredip, Haky ýok eden,

Beýhuş edip, azgynlyga ýol eden —

Pul eken adamlar, nejis pul eken.

Din-imana dil ýetirip garalan,

Ençesini Hak ýolundan çykaran,

Ynsanlaryň kellesini üýtgeden —

Pul eken adamlar, şeýtan pul eken.

Parahorluk diýen sözüň açary,

Adamlary "brazzere" meýl eden,

Şu iki setiri, hakykata geçiren —

Pul eken adamlar, iblis¹ pul eken.

Adalaty masgaralap kowalan,

Kazyýeti satyn alyp ýok eden,

Şu döwürde, özün "Hudaý" hasaplan —

Pul eken adamlar, "Dollar" pul eken.

Bary bidereklik. Hem-de hapalyk.

Pula däl, Muhammete uýalyň!

Din imany kirli pula çalyşmaň —

Şunam edäýmese,

Ynam galmady...

Iblis — şeýtan.

01.03.2023, 09:12.

Ahmet Gurbanmyradow.