Arzuwym azaşdy, öte howlugyp,

Hyýallarym umytlarma gowrulyp,

Diý: «Ýa gowy bolar, ýa-da gowluga»,

Özümden kän zada garaşan wagtym.

Bilseň, söýgüň ýaraşygy ynamdyr,

Ynsan şonuň bilen beýge galandyr,

Dideleriň nurydygma ynandyr,

Özümden öýkeläp, ýaraşan wagtym.

Kinämi ir-giçde ýeňjekdigime,

Goşgularňa siňip geljekdigime,

Ynan, bagtyň bolup biljekdigime,

Sabaňa düýş bolup oraşan wagtym.

Ogulnur PIRJIKOWA,