NESIBE

Nesip etse, hor eşegem,

Bir begzadañ maly bolar.

Kimler ir, kim giç düşüner,

Nesibäñde bary bolar.

Din-ymmata şübheliler,

Hak islese kary bolar.

Geljegiñi bir O biler,

Nesibäñde bary bolar.

Beglere näz eden hüýrler,

Bir çopanyñ ýary bolar.

Dostum muña \"Ýazgyt\" diýrler,

Nesibäñde bary bolar.

Alla saña ogul berse,

Alty, Bäşim, Çary bolar.

Asman gaçyp, Ýer çöwrülse,

Nesibäñde bary bolar.

Ömür boýy mal-mülk gözlän,

Öz nebsine tazy bolar.

Baýar Tañra şükür eýlän,

Nesibäñde bary bolar.