ŞEÝLE SÖÝ

Söý ezizim döwrümi, söý ýürek bilen

Söý ähli duýgylaň bagş edip söýgä

Gel bile goraly söýgi ýolunda

Hormat goýmak üçin ajaýyp duýga

Söý ähli gaýgyny çykaryp ýatdan

Söý bu şat ilimi, ajap durmuşy

Söýgi bilen ýatyp, söýgi bilen ör

Söýgi bilen gurlan dünýäň gurluşy

Söý meni perizat Balahusnynyň

Şazada Bähremi söýüşi ýaly

Ýa Kaýysyň söýgä bolan höwesin

Gundogda Leýliniň duýuşy ýaly

Söýgi deňiz bolsa sen gulaçlap ýüz

Döz gel onuň gomlarynyň urşuna

Göz öňüne getir öten aşyklaň

Söýgi üçin özün oda urşuna

Şeýle hormat goýsak mukaddes söýgä

Saklanar dünýäde söýgiň sarpasy

Päkligi ýadygär galdyrmaly biz

Öwreneri ýaly nesliň körpesi