“MEN BAR ZADY SENIŇ BILEN BAŞLARYN...”

Kä köňlüň gubarlap, sygmasaň öýe,
Bilgin bir ýerlerden ideýänimi.
Men deňze çalymdaş hüllämi geýip,
Gözläp ýörendirin idealymy.

Duşup öz söýgimiň mozaikasyna,
Bu kenary az wagtlyk taşlaryn.
Güllän erikleriň arasyn syryp,
Men bar zady seniň bilen başlaryn.

Pudagyna kelam ýazyp badamyň,
Ak bulutlaň arkasyna zyňarys.
Pelek içre öwrülip bir ygşylla,
Biz bir oýnam hurma bilen oňarys.

Kä köňlüň gubarlap sygmasaň dünýä,
Bilgin bir ýerlerden ideýänimi!
Men kenarda ot başynda ot bolup,
Gözläp ýörendigim idealymy.


✏Orazbibi Mälikguly gyzy