Maña sensiz dünýe giñ
Ýiterin öýdüp gorkýan.
Menzil uzak- senden ir
ýeterin öýdüp gorkýan.

Yşkyñdan ten bilen jan
Tutaşar öýdüp gorkýan.
Sen bolmasañ, Senem jan
sataşar öýdüp gorkýan.

Aýa- Güne ýanaman
Ýaşarsyñ öýdüp gorkýan.
Gitseñ, menem ýanyña
Goşarsyñ öýdüp gorkýan.

Sensiz günler eglenmez
Geçerler öýdüp gorkýan.
Gökde ýyldyzlar basym
öçerler öýdüp gorkýan.

Kalbyña salma meni,
Doñaryn öýdüp gorkýan..
...Gitme!
Gitseñ, sensizem
oñaryn öýdüp gorkýan.


Mukam Muhamow