Söýülse-de ömri uzak gitmejek,

Duşuşykda, şol ilkinji gül ýaly -

Bagtly güldiň,

bagtym güli bolmadyň!

Meňzetsem-de ykbalmyzy bir ýaly.

Kalby deýin, çagajykdy özi-de,

Aram tapdym özboluşly gülşinden...

...Sowuldy meýlisler, gutardy bary,

Kalby goýdum ýene öňki gulpynda.

Günler meni günbe-günden iýýän deý,

Göwräm barýar öz-özünden çekilip.

Yşkym içden, iýun daşdan ýandyrdy

Iýul gussa bilen.

Awgust ýekelik.

Gujak açyp, ýer bersem-de törümden,

Bagtly günler neçün gitdi howlugyp?

Goş haltamy umytlardan dolduryp,

Sentýabry garşy aljak gowluga...

Ylham GURBANALYÝEW