Dermanlyk hokmünde in kop ulanylyan õsümlik gülleriniň biri hem çopantelpekdir. Çopantelpegi gülläp başlanda, köküni alman ýygmak maslahat berilýär.
Çopantelpek köşeşdiriji serişde hökmünde ukusyzlyk, aşa duýgurluk ýagdaýlarynda ulanylýar. Bu derman oty rahatlandyryjy häsiýete eýe bolup kiçi çagalar we uzak wagtlap dartgynly ýagdaýda bolanlar üçin peýdalydyr. Çopantelpek iň howpsuz derman ösümlikleriniň biridir.
Tebipçilikde bu ösümlik agyryny aýyryjy, köşeşdiriji, damar giňeldiji serişde hökmünde hem ulanylýar. Çopantelpegiň sowuklama garşy bolan täsiri guragyryda bogunlaryň çişmesinde we beýleki çişmelerde peýda edýär. Şeýle hem diş sowuklamasynda çopantelpegiň demlemesine agyz çaýkalsa nepi uludyr.