Garaz kimiň kimdigi.
Ahyrsoňy bilinýä.
Bilmän geçsek näderdik;.
Şükür alhamdililla!
Gowy-gowy zatlary.
Görseň ýürek ýylanýa.
Görman geçsek näderdik;
Şükür alhamdililla!
Bu dünýäde aglanýa,
Bu dünyäde gülünýä.
Gülmän geçsek näderdik;
Şükür alhamdililla!
Gözi yaşlyny görsem,
Ýürek-bagrym dilinýä.
Dilinmese näderdik;
Şükür alhamdililla!
Kişä ýagşylyk etseň,
Ýagşy sözler diýilýä.
Diýilmese näderdik;
Şükür alhamdililla!
Biri dünyäden gitse,
Ýene biri dogulýa.
Dogulmasa näderdik;
Şükür alhamdililla!
Gözüň bilen görülýä,
Ýürek bilen duýulýa.
Duýulmasa näderdik;
Şükür alhamdililla!
Ýazgardyňam, eý Alla,
Ýalkadyňam, eý Alla.
Ýalkamasaň näderdik;
Şükür alhamdililla!

Berdinazar Hudaýnazarow.