Gözüňizi açan wagtyňyz ýylgyryň. Bu ýylgyryş bilen başlan günüňiz gör näçe adamyň ýylgyrmagyna sebäp bolar.
***
Adamyň söýenleri ýanynda bolmasa-da, kalbyndadyr.
***
Kimdir birine ýagşylyk etmek, ynsanyň ömrüne ýagtylyk getirer.
***
Güldüň. Şol gülkiň kalbyma aýdym bolup girdi.
***
Kagyza ýazylanlar kalplary gözlär.
***
Güller adamyň ömrüne meňzeş.
***
Çagalyk ömrüň säheri, onda gunçalar gülleýär.
***
«Bagyşla» diýmek bagyşlanmagyň alamatydyr.
***
Gün – gülçyra bolup dünýäni öz nury bilen gujaklaýar. Täsin gerek?!
Gülzar GULOWA