Bir gün sorag berdim garry atama"Bäş günlük ýalançy"diýmeklik näme?

Atam gürrüň berdi bize howlukman

Hemişe şeýderdi göwnümiz ýykman

Adamzadyň ömri bolsada uzyn

Bäş güne bölüpdir danalar guzym

Dokuzuňy dolduryp ineňde dünýä

Ynha muňa birijni gün diýilýär

Ak mekdebe baryp bereňde salam

Bu seniň ikinji günüňdir balam

Ýigit çykyp,bolsa boýlaryň derek

Adama ýanýoldaş bir höwür gerek

Senem taýyň tapyp öýlenseň bir gün

Üçünji gün bolar muny bek bilgin

Dördünji günüňem ýat bekle balam

Eşidilen gün sesi kiçijik çagaň

Adamzadyň ömri sähelçe gündir

Demiň tükendimi bäşinji gündir