Men durmuşa teý düşünip bilemok,
Ähli zat birhili duýdansyz bolýar.
Nämüçin söýýänim özüm bilemok,
Kalbyma bu duýgyň öz-özi dolýar.

Birdenkä gök gürläp, ýagyş ýagyp dur,
Birde al-asmanda Güneş parlaýar.
Ynha, şeýdip uç-gyraksyz älem deý,
Soňsuzlyga sary ömri aýlaýar.

Durmuşyň durmaly duralgasy ýok,
Bardyr onuň diňe indiki döwri.
Baharda janlanyp, güýzüne solýan,
Edil şol gök-sary ýapraklar ýaly,
Gidip barýan umytlara beslenip,
Çözgütsiz matal deý geljege sary.

Züleýha ALLABERDIÝEWA.