\\\"Gül ejejan, gülmek saña gelişýär\\\"

Mähriñden meýmiräp, janlanar älem,
Ýylgyrsañ agarar, garalan pälem.
Gül göwnüñ, gaýgyly göründi hälem,
Gussalansañ dünýäñ görki bulaşýar,
Gül ejejan gülmek saña gelişýär.

Ýok wagtyñ kän boldy göwnüme degen
Baharda gül ýokdy naharda tagam
Saña derek men aglaýyn sen begen
Ynsan näme etse şoña alyşýar
Gül ejejan gülmek sana gelişýär

Barlygyñ ylhamdyr, elleriñ melhem
Senden başga dostum bolmady bilseñ
Ýylgyrsañ özünden utanar gül hem
Gülseñ günüñ dogşy ýadyma düşýär
Gül ejejan gülmek saña gelişýar

Meniñ bilen işi yokga özgeleñ
Sendiñ eje ählo zada döz gelen
Seniñ waspyñ aýdyp bilmen söz bilen
Waspyña söz tapman dilim çolaşýar
Gül ejejan gülmek saña gelişýär

Kuwwat Ýazmuhammedow