Taryh gatlaryndan . . .

Palçylar we tebigatçylar hakynda

Husuf we kusuf hadysalaryndan many çykarýan müneçjimlerden daş dur we tebigatçylaryň sözlerini diňleme. Olar bu meseledäki akmaklygyna düşünmeýärler. Çenden aşýandyklaryny we örän çuňluklara çümendiklerini bilmeýärler. Olaryň şan-şöhratlary ýalan-ýaşryk sözlere esaslanýar. Ol ýalan-ýaşryk sözler hem ýalňyş pikirleri beýan etmeklige sebäp bolýar. Olar her dürli pal, ykbal we ýyldyz oýunlary bilen habar berýärler. Bu nädogry bilimleri bilen hem müneçjimçilikden gürrüň gozgaýarlar. Aslyetinde bütinleý ýalançy bolan bu palçysumaklar özlerine uly alym diýdirjek bolýarlar. Emma müneçjimler hakyky alymlaryň ýanynda ýalançydan başga zat däldirler. Olar Allanyň gazabyna laýykdyr.

Goşmaça bellik we maglumat:

Husuf - Gün tutulmagy.

Kusuf - Aý tutulmagy.

Pygamberimiziň ogly Ybraýym ýogalanda gün tutulypdyr. Halk muny onuň ölümü sebäpli tutulandyr öýdüpdirler. Şonda pygamberimiz: «Gün we aý Allanyň aýatlarydyr (barlygynyň delilidir). Olar hiç kimiň durmuşy ýa-da ýogalmagy sebäpli tutulmazlar» diýipdir.
Başga bir hadysda bolsa: «Ähli müneçjimler ýalançydyr» diýilýär.

Minnetdardyryn ahyryna çenli (düşünip) okanlara☺