Men söýäýsem ölüp-öçüp söýerin,
Dagynam, daşynam, çäge, gumunam,
Men söýäýsem açyk-açyk söýerin,
Özem hiç goýmaryn söýme keminem.
Ýüregni ýüregme basyp söýerin,
Bagryny bagryma gysyp söÿerin,
Illere öýkünmen, ýyldyz goparman,
Söýgümi boýnundan asyp söýerin.
Ol-a sähra bolsa, menem yaz bolup,
Çagba guýup, teşne göwnün suwlardym,
Ykbal ursa şagallara meñzemän,
Uwlasamam gurtlar ýaly uwlardym...
Men söýäýsem, 2-ä dirär ähli san,
Birisi Alla bor, biri (Ol) bolar,
Bir ömüre peşgeş beriljek bolsa,
Meniñ üçin ählijesi şol bolar.
Arman ýöne duş edenok täleyim,
Köñlümiñ tupanam gara ýelmikä?,
Bir zat diýip laññyldaýar ýūregim
\"Ýa men bagt bilen parallelmikäm?...\".
Bayram Bejidow