Söýseñ namys - arly garyp oglany,
Çaga dek ezizläp, gujaklap gysar.
Ýöne, garyplygyny ýüzüne bassañ,
Bir gün baýlygyny, gözüñe basar.
Söýseñ namys - arly owadan gyzy,
Söýgüñi tumar dek boýnundan asar.
Ýöne orta ýolda taşlap gidäýseñ,
Bir gün bagty bilen gözüñe basar.
Adam bolup, ýeter - ýetmez adamyñ,
Gülüp geçmäñ, garyplygyna, azyna.
Göwnüñ ýetmän, kemsidenje sözüñi,
Döwran dolanarda, iýdir özüñe.
Adam bolmak, akyl, ylymda bolsa,
Ýagşy bolmak, Tañry gorkusyndandyr.
Garyp bolsun,ýetim bolsun parhy ýok,
Allam ejizleriñ arkasyndadyr.