1-nji bölüm. Garaňkylykdaky ses.

Daşoguzuň näbelli bir ýerinde garaňky otagda Onuň aýdan sözlerini özünden we ýanyndaky adamdan başga hiç kim eşidenokdy. “poýuza bu gün münýär, Başlyk”. “Oňa habardar bol diýip aýdyň. Eger bu işi oňaryp bilmese, Daşoguza geljek diýip azara galyp oturmasyn. Göni şol poýuzda özüni asybersin. Ertire bu iş tamam bolmaly”. Ýanyndaky adam gidensoň penjireden daşary seredip pikirlendi we güldi, “Oýun başlaýar”.

2-nji bölüm. Adaty bir gün.

Myradyň ilkinji gezek poýuza münşüdi. Ol öňler syýahata çykanda uçara ýa-da maşyna münýärdi. Aslynda köp wagtdan bäri syýahata çykanokdy, çykmak islänokdy. Sebabi kakasyny soňky gezek görende “oglum men uzak bir ýere iş bilen gidýärin, çaltjak gelerin” diýen sözi hälem gulagynda ýaňlanýardy. Kakasy şondan soň hiç wagt gelmedi.

Sagat 18:00-y görkezende poýuzyň sesi eşidilip başlapdy. Hemme adamlar yraň-dyraň bolşup,poýuza münjek bolýardylar. Myradam ol adamlaryň arasyndady. Ol ikinji wagonyň ortaky küpelerinden birine ýerleşipdi. Küpedäki adamlar eýýäm ýerleşip başlapdy. Myrat häli 17 ýaşyndadygyna garamazdan, ugurtapyjy we akylly oglandy. Ol bu häsiýetlerini kakasyndan alypdy. Poýuzda adamlar ýerleşip bolansoň birneme arkaýynlaşypdy. Ýöräp ugrandan soň bolsa oturanlar tanyşmaga başladylar. Myradyň küpesinde orta ýaşly adam bilen bir sany ýaş talyp oglan bardy. Orta ýaşly adam ilki söze başlady, “adym Merdan, Daşoguza garyndaşlarymyň toýuna barýan. Sen kim bolarsyň?” diýip, ol talypdan sorady. Talyp çekinibräk ýagdaýda jogap berdi, “ adym Durdy, TDLU-nyň 3nji ýyl talyby. Tomus dynç alşynda öýüme gaýtdym. Kursdaşlarym biziňkiden 2 küpe aňyrda. Men bu ýerden orun almaly boldum.”

Myrada bularyň bolşy birhili geňdi. Talyp ýöne aljyraňly ýagdaýdady. Poýuzda rahat däldigi ýüzünden belli bolýardy. Merdan aga bolsa agras, hiç kim bilen gürleşesi gelenokdy we ýöne sumkasyna seredip otyrdy. Poýuz birsalymdan ýöremäge başlady.Hemme zat adaty günlerdäki ýalydy. Poýuz ýöremäge başlandan ýarym sagat geçensoň birden saklandy. Myradyň oturan küpesiniň gapysy açylmagy bilen hemme gapa seretdi. We küpeniň 4-nji adamy hem prowodnik bilen bile geldi...

Dowamy bar...