Türkmenistan ýylyň başyndan bäri Russiýa baryp gören jahankeşdeleriň sany boýunça ilkinji bäşlige girdi. Ýurdumyz Russiýanyň Syýahatçylyk Operatorlary Assosiasiýasy tarapyndan düzülen reýtingde dördünji orny eýeledi. Jemi 14,1 müň türkmen raýaty ýylyň birinji ýarymynda Russiýa Federasiýasyna bardy.

Ilkinji üçlüge Hytaý, Türkiye we Germaniýa girdi. 2023-nji ýylyň başyndan bäri Russiýa Federasiýasyna baran syýahatçylaryň sany boýunça Türkmenistanyň, hatda Russiýa bilen serhetleşýän goňşy Gazagystandan hem geçip bilendigi bellärliklidir.

Hasabat döwründe dünýäniň dürli künjeklerinden 7,2 milliondan gowrak syýahatçy Russiýanyň şäherlerine baryp gördi. Diňe syýahatçylygy däl, eýsem, saparyň ähli maksatlary bilen gelenleriň sanyny göz öňünde tutsak, bu ýerde birinjilik Özbegistana degişlidir, bu ýurduň raýatlarynyň 1,7 milliony bardy.

Umuman, Russiýa syýahatçylaryň akymy, geçen ýylyň degişli döwri bilen deňeşdirilende, 130% ýokarlandy. Syýahatyň gyzgalaňly döwri aprel-iýun aýlary aralygynda hasaba alyndy. Russiýa Federasiýasynyň dynç alyş pudagy üçin iň meşhur ýerleri Russiýanyň iň uly şäherleri - Moskwa we Sankt-Peterburg bolmagynda galýar.