“QS World University Rankings” sanawynyň 2024-nji ýyl üçin sanawy belli boldy. Mälim bolşy ýaly her ýylyň başynda Türkmenistanyň Bilim ministrligi tarapyndan Halkara guramalaryň (“Academic Ranking of World Universities”, “QS World University Rankings”, “Три миссии университета” we “The Times Higher Education World University Rankings”) resmi internet sahypasyndan alnan maglumatlara laýyklykda, daşary ýurt bilim edaralarynyň öňdeligini düzýän okuw mekdepleriniň sanawy hem-de Türkmenistanyň orta hünär biliminiň hünärleriniň hem-de ýokary hünär biliminiň taýýarlygynyň ugurlarynyň we hünärleriniň Döwlet klassifikatorlarynda görkezilen jemgyýet baradaky we ynsanperwer ylymlarynyň ugurlary boýunça maglumat taýýarlanylýar hem-de hemmeleriň dykgatyna ýetirilýär. Ine şu sanawlardan “QS World University Rankings 2024″ sanawy halk köpçüligine ýetirildi.
Jemi 104 ýurtdan 1500-den gowrak ýokary okuw jaýynyň giren QS World University Rankings sanawyna bu ýyl täze 85 uniwersitet goşulypdyr. Olaryň aglabasy Aziýa sebitinden bolup, Bangladeş (11), Indoneziýa (5). Hindistan (10), Malaýziýa (5) we Gazagystanyň (4) uniwersitetleri iň köp täze uniwersitet goşan ýurtlardyr.
Biz bu habarymyzda sanawa giren dünýäniň iň abraýly ilkinji 10 uniwersitetiniň sanawyny ýetirýäris. Ýakynda bolsa, Türkiýeden bu sanawa giren uniwersitetleri aýry habar görnüşinde Size ýetireris.
Bellemeli zat, Türkmenistanyň Bilim ministrligi bu we ýokaryda bellenen beýleki sanawlaryň esasynda diplomy ykrar edilýän halkara uniwersitetleriň sanawyny taýýarlaýar. Biz beýleki sanawlar hem belli bolan wagty Size ýetireris.
Dünýäniň iň abraýly 10 uniwersiteti
1) Massachusetts Institute of Technology (MIT) -ABŞ
2) University of Cambridge -Beýik Britaniýa
3) University of Oxford –Beýik Britaniýa
4) Harvard University -ABŞ
5) Stanford University -ABŞ
6) Imperial College London –Beýik Britaniýa
7) ETH Zurich – Swiss Federal Institute of Technology -Şweýsariýa
8) National University of Singapore (NUS) – Singapur
9) University College London (UCL) – -Beýik Britaniýa
10) University of California, Berkeley (UCB) -ABŞ
