BIR SENI

Gel ezizim, gel sen gündiz-gijeler

Isle asuda gün ýa gaý tupanda

Gelseň ýaltanmaryn açmana gapym

Oýakam, ukyda parhy ýok onuň

Diňe sen diýp urýar ýüregim meniň

Men seni görmesem gamlanyp gezýän

Sebäbi durmuşda bir seni söýýan

Gel ezizim, gel sen ýylyň dört pasly

Aýrylma ýanymdan synlaýyn seni

Gyşda sowuk diýmän, tomus hem yssy

Gandyr gül keşbiňden gandyrgyn meni

Görmesem jemalyň men ýanyp-köýýän

Sebäbi durmuşda bir seni söýýän

Asman ýyldyzlarynyň biri bolsaň hem

Gije görnüp gündiz gözümden ýitme

Gül jemalyň gizläp intizaryňdan

Yşkyň derýasyna gark edip gitme

Saňa gözelligiň nusgasy diýýän

Sebäbi durmuşda bir seni söýýän