Ejemjanyň tümmegi

Ejemjanyň tümmegi,
Çöküpsiňle ne beýle?
Geçen ýylam beýikdiň,
Gelip gidemde seýle.

Kän gatnaýa diýýänsiň,
Diý! Göwnüme zat alman.
Meni dertden boşadýar,
Toprak bolan adamlar.

Her bir tümmek bir dünýä,
Her birinde ýakym bar.
Bu ýer seýilgähim meň,
Aýlanmaga hakym bar.

Kän gelmäge borçly men,
Käbäm ýatyr astyňda.
Geldim ähli nalamy,
Ýüregimden asdymda.

Salam berip ejeme,
Bir içimi dökeýin.
Meň gymmatly tümmegim,
Ejaza ber öpeýin.

Ýüregim deý çöküpsiň,
Oýulypsyň ömrüm deý.
Ejemjany aldyryp,
Ölümden öň oldüm heý!

(Awtory bilemok)