Ilon Mask Sukerberg bilen söweşiň geçiriljek ýerini aýtdy.

Amerikaly işewür Ilon Mask sosial ulgamlardaky sahypasynda milliarder Mark Sukerberg bilen söweşiniň Italiýada geçiriljekdigini aýtdy. Muny gazeta.ru ýetirýär.

“Söweş meniň gaznam we Sukerbergiň gaznasy tarapyndan guralar (UFC tarapyndan däl). Söweş Twitter platformasynda we Meta-da ýaýlyma berler. Kameranyň kadryna düşýän ähli zat gadymy Rimi şekillendirer, hiç hili döwrebaplyk ýok. Men Italiýanyň premýer-ministri we Medeniýet ministri bilen gürleşdim. Olar epiki ýer barada ylalaşdylar. Ähli gazanylan serişdeler weteranlara iberiler” – diýip, Mask ýazdy.

Mask we Sukerberg 2023-nji ýylyň iýun aýynda garyşyk başa-baş söweş sungatynyň (MMA) düzgünleri boýunça söweşmek barada ylalaşdylar. Absolýut söweş çempionatynyň (UFC) başlygy Dana Uaýt söweşi guramak bilen meşgullanjakdygyny we ýaýlymyň satuwyndan geljek girdejiniň 1 mlrd dollardan geçip biljekdigini aýtdy.