Bir adam Sokrata şeýle diýipdir:

-Bilýäňmi dostuň maňa sen hakda nämeler diýdi?

-Dur, aýtjak zadyňy ilki "üç elekden" geçir- diýip, Sokrat ony saklapdyr

-Üç elek?!

-Nämedir bir zady aýtmankaň ony üç elekden geçirip görmek gerekdir. Munuň hakykatdygyna ynamyň barmy?

- Ýok , ýöne eşiden zadym...

- Diýmek, sen munuň çyndygyny, ýalandygyny bileňok.

Onda ikinji elekden - ýagşylyk eleginden geçireli. Sen dostum hakda ýagşy zat aýtmakçy bolýaňmy?

- Ýok, tersine...

Sokrat sözüni dowam edipdir:

- Diýmek, sen hakykatdygyna ynamyň bolmasa-da, ol hakda erbet zat aýtmakçy bolýarsyň. Üçünji elegi - peýdalylyk elegini göreli. Aýtjak bolýan zadyňy eşitmegim hökmanmy, maňa peýdasy degjekmi?

- Ýok, onuň saňa zerurlygy ýok.

Sokrat sözüni jemläp, şeýle diýipdir:

- şeýlelikde, seniň aýtjak zadyňda ne hakykat, ne ýagşylyk, ne-de peýda bar. Onda ony aýtmak nämä gerek?!